هذي بعض المواقف التي تحدث من قبل  الدوريات

* جيب كاديلاك اسود ومظلل باسود عليه لوحه حروفها متشابهه وارقامها متشابهه (يعني بالعربي حلوه)موقف عند الاشاره و مشغل المسجل ورافع الصوت لاعلى شي والجيب قاعد يهز يمين ويسار (اللي جالسين جوا يهزونه) اثنين عساكر واقفين عند الاشاره هذي طبعا واحد سوا نفسه مايشوف والثاني قاعد يربط حبال جزمته يعني تراي مشغول ..بعدها بخمس دقايق عند نفس التقاطع لكن اشاره ثانيه مني فاان قديييم فيه اربع شباب واحد من الاثنين اللي ورا دف خويه بقوه فاهتزت السياره هزه بسيطه جو اخويانا العساكر اللي تو مايشوفون راحوا يركضون لذيك الاشاره مع انهم ماكانوا واقفين عندها وانتهى الموضوع باخذ اللوحه والاستماره ووقف على جنب لان الحركه هذي ممنوعه..
راعي السياره: والله بدون قصد
العسكري: ااسف النظام نظام
* كابرس موديل 79 متعدي عن خط المشاة بشيئ بسيط (مقدمه السياره بس اللي متعديه الخط) يجيه العسكري انت متعدي خطوط المشاة وهذي مخالفة صريحه وقف على جنب بالله يرد عليه راعي الكابرس ويقول بدون قصد بعدين شي بسيط المتقدم طبعا رد العسكري بالرد المعروف ااسف لكن النظام نظام.
بنفس اللحظه يجي راعي لكزس 430 ااخر موديل من اليمين ويعرض قدام كل السيارات طبعا مظلل ومافي لوح,, راعي الكابرس يشوف الموقف ويقول للعسكري هذا مايتطبق عليه النظام العسكري مايدري وش يقول فيرد عليه ويقول الا يتطبق لكن ماتشوف السياره بدون لوح يعني مانقدر نعرف هويتها ونطبق النظام (عذر اقبح من ذنب) 

:::::::::::::::::::::

* يوم خميس وطريق زحمه عائله معهم سواقهم بسياره قديمه ماشين بالمسار الايمن اللي يوم وصلوا الاشاره كان ضيق شوي وكان السواق لازم يدخل يسار شوي عشان يمشي قدام يعني يسار شي بسيط لكن العسكري اللي واقف عند الاشاره الزمهم يروحون يمين قالتله الحرمه ياابن الحلال يمين زحمه وحنا بيتنا هنا قريب رد عليها وقال ودي اخدمك لكن النظام نظام وراحوا يمين اجباريا...
بعدها باقل من دقيقه وقبل لاتصير الاشاره خضراء جاء بي ام ااخر موديل بس هذا حبيب مافك اللوح ولا ظلل  جاي ماسك اليمين اللي ينتهي بيمين اجباري نظرا لوجود رصيف يخليه يلف غصب عنه يوم وصل الاشاره وقف ويبي يدخل يسار وعطل المسار الايمن كله جاه العسكري وقاله طال عمرك لاتحرجنا عند المواطنين (قال كذا دون لايشوف اثباته ولا شي بس شاف سيارته غاليه  ) تو العائله اللي قدامك خليناها تلف وانت شايف رد عليه راعي البي ام وقال والله طريقي قدام اروح يمين عشانك يعني؟ قال العسكري اسف طال عمرك وفتحله الطريق 

:::::::::::::::::::::

* يوم اربعاء ومباراة المنتخب وفاز المنتخب وانواع الزحمه بالشوارع وهبال شباب .. تقاطع من التقاطعات الكبيره بالشوارع اللي يدورون فيها الشباب التقاطع كان فيه عساكر كثير وفيه واحد راز تاج وجنبه نجمه طبعا بعد المباراه ممنوع ترفع علم ولا شي (هذا بالرياض مدري عن اهل الشرقيه ) سياره يابانيه من النوع الرخيص اللي يسوقها رابط شال بالوان المنتخب على راسه ماكان من العساكر الا انهم فتحوا السياره واخذوا الشال وكادوا ينزلونه يركبونه لكن بعد حب الخشوم خلوه طلب منهم الشال وحلف انه مايرفعه رد عليه واحد من العساكر رح بس النظام انك تنحجز ويتصادر العلم زين اللي ماطبقنا عليك النظام (حبيب ذا ماقال النظام نظام خخخ)
بعدها بسيارتين في اودي جديده وراعيها رابط نفس الشال على راسه يعني نفس الشكل فما كان الا انه واحد من العساكر ياشرله من بعيد بانزال الشال وياشرله على راعي التاج (يعني نزل الشال عشان فيه رتبه عند الاشاره) تصدقون هذولي حياديين ماطبقوا النظام على ولا واحد من السيارتين خخخخخ
* الموااقف كثييره وماتعد ولا تحصى لكن ماابي اطول الموضوع لاني اعرف انه في ناس اذا شافوا الموضوع طويل مايقرونه 
الغريب انه كل المواقف اللي تو حدثت دون التاكد من اثبات اي واحد من اصحاب السيارات الفاخره يعني مايدري هو ولد مين بس يشوف سيارته يخاف خخخخ
واللي بيقول اني مبالغ يطلع يومين يتمشى بالتحليه والعليا ويشوف

منقول من موقع أبو نواف