|
|
|
عيال وين نظراتي
هاااااتشو سهران طول الليل ... يحق لي سعودي وفالصيفيه .. يوم جت الساعه سبع ونص الصبح لين النوم مبوبز على راسي ويقول لي بتنوم وانت ماتشوف الدرب ...وبكل ادب رديت عليه .. ابشر زي الالف انوم لاني ماارفض لك طلب.. قلت للنوم ياطويل العمر... ماودك تسير علي عقب الظهر خلني انوم نومه وحده .. عيا علي ..و كلمه مني على كلمه من النوم احاول اتصبر لين الظهر عشان تصير نومتي تقييله .. المهم ماطاعني النوم وقالي نم لين الظهر همن قم صل همن قيّل على راحتك ... ماامداني اكمل سالفتي معه ... لينه منسدح علي بكامل قواه العقليه.. وامغطها نومه من سبع ونص الصبح لين المغرب ... يوم قمت المغرب بالسلامه قالي النوم " يخوي صدق انك ماتنعطا وجه " ... ( ياملحه مقابلني اربعه وعشرين تبن ) .. المهم اشوى انه انقلع عني .. مابغا يتركني .." شفتو الحب وش يسوي .. لحد يشرب حليب " يوم قمت رحت ابفرش ضروسي "( يقولون انها الموضه اول ماتقوم من النوم تفرش ضروسك ) " .. على طاري الموضه .. ازعجنا ولد ابن ديور ... كل شوي يصقعنا بموضه جديده ...وخذ يامصاريف .. اخرموضه يقول فيها ... فرش ضروسك بمعلاق التلفزيون حط في طرفه قطعه من خيشة رز .. وفرش ضروسك بها ... والمعجون حط لك في ربع فنجال تايد وزد عليه شمبو " فرت باص ددسنين في واحد " ... برت بلاس اثنين في واحد المطور نرجع للسالفه ولا اقاطع كلامي .. جيت ابقوم من على الفراش .. لين الغمص مسوي مستعمره في عيني اليسار اما عيني اليمين صارت كنها مقلط عقب عزيمة حريم ... منيب اشوف الا بعين وحده فيها خفس .. هقوتي نامسه كاشته فوق ذا الغمص اللي يرد الروح وطاقه خيمتها فيه ... عاد انا من النوع اللي مايمشي الا بدرابيله .. البس نظارات ماتفرقها عن الدرابيل الا ان الدربيل فيه نوع ليلي ونظاراتي مهيب ليليه ... حدها فالقايله وتخب علي بعد .. العاده انطل نظاراتي جمب الابجوره " اشوى انه سراج " .. على طاري سراج .. وش ازين زيت ادهن به دمجتي .. ترا باقي لي خمسمية كيلو واط همن اخبط ... نعنبوهم ذا الدكاتره نشبو لنا فذا الترم الصيفي الله لايعيده ... نرجع للسالفه ولااقاطع كلامي .. من زينه عشان اقاطعه ادور هالدرابيل مالقيتها ... قلت اكيد اني ناسيهن عند الكمبيوتر ... خلني اروح اتاكد .. المشكله منيب اشوف الكمبيوتر من ذا الغمص ... بس الحمد لله مره من المرات قعدت انا وخوي نعد كم خطوه من باب غرفتي لين الكمبيوتر .. وشهوله نعدها .. ابد فضوتن زايده قلت ياولد اذا ماامداني اشوف
الجهاز بيمديني اشوف الباب ... وكل الطرق تؤدي للعماريه .. وعلى قولت
الشاعر ...( اذا فاتك الصيد لايفوتك تنتيف ريش القماري ) .. وبحركه
بهلوانيه تكنبست ودبج راسي فالجدار ... حسااافه ليتني استفدت من
هالكنبسه في شي ينفع الامتين العربيه والاقلاعيه ... الحين قوتي نقصت
للنص .. عشان الحركه سبشل .." ابد منيب متأثر من الاتاري " ... ( وش
اتاري والله اني محمض ) ... بس كان قصدي من الكنبسه قلت عساي اصدم
فالباب ولا الكمبيوتر ... بس ماحصل .. ولو سويت الحركه مره ثانيه بموت
عشان هالحركه تاخذ من قوتي النص ... وانا سويتها ومابقا في قوتي الا نص
... دورت حل عشان تكبر الفتحه اللي اقدر اشوف منها . مالقيت حل .. حاولت ابربس بعيني ماش الغمص اصلي .. مايتحرك ياااابس ... قلت ابسوي نفسي نايم عشان تجي النامسه وتكشت مره ثانيه ... وتزيد الفتحه واحد ونص انش زياده .. وبعد كذا بتصير الفتحه اللي اشوف منها ثلاثه بوصه انش ... وبعدها اسوي الحركه اللي اقدر بعدها اشوف الباب ولا الكمبيوتر .. سويت نفسي نايم ... والله واشوف النامسه تدور حول المروحه ... مالها نيه تجي يمي ... لازم اغريها عشان تجي قلت ياولد اخبر النامس يحب اللون الاحمر " مافيه عرق ثور " .. عاد انا مافيني من الحلى قطبه ... يعني لاخدود ولا شفايف اقدر اغريها ... تذكرت اني متعشي رز مندي ... وعقبها جابو لنا حلى جلي بالفراوله ... قلت اكيد ان لساني احمر ... قمت ادلع " اطلع " .. لساني .. يوم شفتها بدت تناظرني.. " إغراء الاولين " .. قلت ياولد .. اصك المعروض الحين ولا اصبر شوي .. شكلي ابصبر شوي لين اخليها تندبج في غرامي ... استخرت الله وقلت خلني اتنيوم هي بتجي اكيد .. بس انهم يتغلون " كالعاده " حسيت انها اندبجت في غرامي ...
قالت لي ياعسل ممكن تحط المروحه على اربعه ... قلت لها ليش اربعه
بالذات ... قالت ياروحي انا توني حاطه مناكير على ريشي وابيها تنشف
بسرررررعه بعدها تذكرت قول الشاعر الفلبيني بس شكل عمرها فوق الثلاثين ..
و بما اني شاب وماحب العجايز ... قلت لها ياناموسه اذا انتي بنت امك
وابوك اكشتي في عيني ... وانا منيب نايم .. موب لين نمت جيتي تستقوين
علي ... " شكل اعجبتها رجولتي وقوة مخارج حروفي " ... قالت لي تمون
يانظر العيون ابجيب عدة القهوه وابجيك بالددسن حقي اللي فيه الخيمة ..
وابجي اكشت في عينك .. والله توني ادري ان الناموس وفي
... مايخسى الا الكلاب والله ان الناموس اوفا منه ... صحيح انها تفلت
بوجهي .. بس كله يهون عشان الحب " ( آآآآبوك يانزار مخباتي ) " ...
المهم جتني بخيمتها ومن زين حظي كشتت بنفس العين وجمب الخفس اللي اشوف
منه عشان لين دقت اطناب خيمتها بتصير جمب الخفيس الاول ... وبعدها وعدك
يالباب ابشوفك ... وانت يالكمبيوتر وعدك عقب الباب ... كلها دقيقتين وقلت لها ياخاله ... الله لايهينتس ضفي عفشك .. ترا الجوازات بيجون وشكل مامعتس اقامه ... هي سمعت طاري جوازات .. وهي اللي تفطس علي من الضحك ... قالت لي الله يقلع بليسك يالقروي يالمصدي ... الله يخلف على امن جابتك ... الجوازات معد لهم سنع ... الحين الدبره عند حقين اللومينا ... هم اللي يروعون ... حتى حطو لهم عند كل اشاره صندقه يرتاحون فيها ... عشان يقولون للمواطن والمقيم ... نحن مرتزين هنا لخدمتكم وسلامتكم ... صح لساني منتيب عاقله ياناموسة قريح ... صايرتن شاعره ورومانسيه على غفله ... لايكثر بس وانقلعي لاافقع عيني وتروحين فيها وطي انتي وعفشك ... هي بصراحه راحت بس عشان المناكير ماتخرب ... ولا اردى ماشافت عينها انا ... المهم عقب ماراحت .. قلت لازم اسوي الحركه الثانيه اللي تاخذ من قوتي ربع عشان اشوف الباب ... قلت ياولد لازم اسجد سجود شكر لله .. وش دخل سجود الشكر مدري ... بس الحمد لله على كل حال ... امين ... وش السالفه ؟ مبروووووووووك جاني ولد .. تمت الحركه الثانيه بنجاح منعفط النظير ... شفت باب الغرفه .. وانا اللي امشي مليووون يوم وصلت للباب ... نسيت كم عدد الخطوات من باب الغرفه لين الكمبيوتر ... وانا اللي احاول واتعصر عشان اذكر ... هقوتي انها ثمان خطوات وشبر .. يالله ثمان ثمان ... وامشي وامشي .. يوم وصلت عند ثمان خطوات وشبر .. مالقيت الكمبيوتر .. قلت خلني ازودها شبرين .. مشيت وصلتها عشراشبار .. وش لقيت ضنكم ؟؟ لقيت سلك الكهرب اللي يوصل للكمبيوتر ... بعدها عرفت اني حول الكمبيوتر ... قلت ابمشي مع السلك لين آصل للكمبيوتر ... وانا متمسك فالسلك .. لين واحد يناديني ... = ياهييييه ... انت يالدبشه ... تشوفني ؟؟؟ * قعدت اسمي على نفسي ربع ساعه وقمت اسعبل على صدري واذكر الله .. قلت تراني ماشوف زين عيوني مليانه غمص ... ابي نظاراتي وينها = وش دراني عن مناظرك ... ياراعي الخمبقه @@ * وش خمبقه .. احترم نفسك .. انا مواطن شريف .. عفيف .. نظيف .. اسال ابو كلينكس تراه صديقي = والصور اللي في كمبيوترك .. وشهوله مخزنها يالخمباقي * الللللللله جابك يالغالي ... منهو انت داخلن في غرفتي بعد ... تكفا امسك يدي وودني لم الكمبيوتر ... نظاراتي تاركها فيذاك ... ومنيب اشوف الا بهالخفيس = انا اسمي هاني .. وتراني مهكر على جهازك ... ويسموني.. المبدع ( هاني هاكر ) * هههههههه ياحليلك وش يقرب لي
هاني شاكر ... بعدين خابرين الهكر فالكمبيوتر مهوب = من قالك اني في غرفتك ؟ * فطعنه .. وينك فيه ؟ = انا يالحبيب في سلك الكمبيوتر متوزي ... والحين قاعد اتفرج على صوره مهيب صاحيه .. مطلعها من ايميلك .. هقوتي لباسكال الزغبي * والله الهكر تطور .. يخوي امانه عليك انت لحالك .. ولا معك احد ؟ = شف عشانك طيب وعلى نياتك ابعلمك بالصراحه ... انا واربعه من اخوياي عازمهم على كمبيوترك .. بصراحه يفتح النفس كله صور وفلة حجاج .. كم بروكسي عندك ؟ * لاتحرجني... مالها داعي .. حقين مدينة الملك عبدالعزيز يقطعون اشتراكي ... بكره لين جا احد بيدخل علي فالماسنجر ... بيقولون له .. الوصول الى هذه الصفحه مهوب مسموح به = طيب الحين وش تبي ؟ * انا اللي وش ابي ولا انت ياقليل الاصل ... ياللي ماتستحي فصنع ماشئت " سلملي على الحكم " = شف يالدبشه .. حنا يالهكر .. ماعندنا يمه ارحميني .. نلعن ابو خامس جهازك بفيروس صغنطوط .. كنه خفيسك * خفيسي ؟؟؟؟!!!! @@ = ايه الخفس اللي تشوف منه يالخمباقي .. مهوب عينك مليانه غمص .. وماتشوف الا بخفيس صغير ؟ * الا صدقت ... = آآآه من سوء النيّه ... النيه مطيه ولو الجديد اضناك * صح لسانك .. لاهنت ياهكر .. انا اشهد انك مونتاز .. امتز واحد انت بس تكفا لاتلمسون جهازي .. لاني شاريه من تعبي .. بعد التعب شريته ... بعد عرق اباطي شريته والله العظيم = لاتخاف جهازك مخلينه الفسحه للشباب .. مافيه ولا برنامج حمايه .. ماتستحي على وجهك حاط برنامج حمايه اسمه السلوقي ؟ * ايه يخوي السلقه حاطينه يحرس مخيمنا .. والله انه مايقصر وقايم بالواجب حارس لنا المخيم اللي مافيه الا خيمه وبدون رواق بعد .. وتقديراً له .. اخترعت برنامج وسميته على اسم السلوقي ... = لايكثر بس ... وينك حاط نظاراتك فيه ؟ * والله مدري بس هقوتي انها جمب الشاشه ... دق على اخوياك بيجر خلهم يدورونها =وحنا فاضين لك .. بس مهيب مشكله الظاهر ان واحد من الشباب .. لاقي له صيده فماسنجرك .. والحين قاعد حول الشاشه بزهم عليه اخليه يشوف لك نظاراتك * اشكركم شكير الجزل .. على ماتبذولونه في مساعدت اخيكم الدبشه .. بس يخوي ماعندكم فايروس للغمص ؟؟... ذبحني ذا الغمص ابي الفكه منه تكفا شف لي اخوياك كود واحدن منهم متوهق بغمص نذل مثلي = ورا ماتاكل تبن وتسكت ... تراني دقيت على خويي اللي عند الشاشه .. وحاطني على الانتظار .. شكل الصيد في ماسنجرك ثمين .. على طول تلقم الفشقه .. ( اهل الصيد يفهمون وش اقول واللي موب راعي صيد ترا معناها ان حليب انكور ازين من النيدو ) ... الله يخلف علي حدي ايميلك والصور الخمباقيه * حطيت رجل على رجل .. واخذت نفس غويط .. وسعبلت على الفرشه ... وقلت له .. يبو تبن ياهاكر يالمخيس .. اذا انت ولد ابوك وامك .. فك تشفيرة عيوني ... بروكسيات العالم كلها ماتقدر تفك هالغمص ... انا اللي مسويه بنفسي عشان تعرف اذا حطيت احد براسي وش اسوي به ... عيني ذاك اليوم ماجاها النوم .. قلت والله لااشفرك بهالغمص .. عشان كذا توهقت عيني والحين ماتقدر تنفتح .. يمديك علي يالمحزر " المحزر هي كلمة مبطيه .. وتقريبا هي الشيء المبطي ذو الرائحه المحزره ".. نعنبوك يالتفسير .. تفسير محزر وعلى بلاطه ... ريحة رجليك عقب ماتفصخ شراب العايله لابسه من سبوعين = على بالك الحين بتخوفني ؟ ... انقلع تكفا ومنيب معلمك مكان النظارات معاند لك .. ازين مافيك كمبيوترك ... وياكثر الدبش اللي مثلك ... مايعرفون الا الماسنجر والاقلاع لين تطورو * يابعد غمصن في عيني .. يابعد سعبولتن في مخدتي .. تكفا علمني وين نظاراتي = بصراحه حالتك منعفطه ومستعصيه لازم ارحمك ولاول مره في حياة هاني هاكر .. يرحم واحد .. * ( منتاب عاقل يالفلسطيني ... ياكثرهم في مقاهي الرياض ... يجيك لابس شماغ برتقالي .. وثوب مصوفر .. وحاط الزقاره فوق الشاشه .. ياجعلي اطفيها في ثمه ).. وين نظارتي فيه؟؟؟ = نظارتك خذها خويي وحطها فوسط الدالوب " فيه ناس يسمونه دولاب " ... رح تلقاها فيذاك * مشكور حبيبي ويالله ضف اخوياك وانقلعو ... الفسحه خلصت
المهم فصخت هدومي عشاني ابلبس هدوم جديده للعزيمه " باقي صروالي الطويل منيب فاصخه لاتستانسون "... لحظه لحظه ... رح اقرا السطر الخمسطعشر ... من فوق هالسطر .. اقراه كله وتعال ...
المخفات اللي راحو وقروه تراهم ماشافوني ... والفطين اللي قعد تراه شافني وانا فاصخن صروالي ... " ارفق على عمرك يارامي خياش " ... بعد هالحركه كم زبيريه وكم كعب .. بترصعون جبهتي بها ... يالهو من شرف كبير جدن جدن .. ان تتحاذف علي النعالات والكعبات ذات اللون الزهري ... للتكارنه فقط وعقب مافصخت هدومي كلها .. ولبست الهدوم الجديده حقت العزيمه ... نزلت تحت وانا انزل مع الدرج ... قابلتني امي ... قالت لي عجل ابوك يحتريك فالصاله ومزهب لك بياله بيرنعها في جبهتك لو تبطي عليه زود ... دامنها صفت على البياله .. انا مبطي عن الصعارير ... الواحد فينا يالشباب السعودي لازم يجرب جميع انواع الصعارير والفلقات عشان تصيرعنده خبره ... كلها كم سنه ويحطون فالجرايد من يبي وظيفة يجب ان يكون جامعي وخبير صعارير ... المهم توني انزل مع الدرج.. " طريق مكه مهوب درج ".. باقي درجتين .. وانا اللي على بالي ابطمرهن سوا ... وعلى طمرتي صار فيه خلل فني في الطمره .. وانا اللي ادبج على " مكان جلوسي " .. (((( تراي قعدت ربع ساعه لين لقيت كلمه مناسبه اشرح لكم مكان طيحتي .. عموما شفتو بطني ؟ .. فيه خفيس في وسطه يسمونه سر... السر هذا هو باب الرجاجيل لكرشتي ... من الجهه الخلفيه على الشارع الغربي فيه باب الحريم هناك طحت )))) ... على طيحتي سمعت واحد يصرخ ويصايح ... قلت ياولد شكلي فغصت واحدن من عيال اهل الارض بسم الله علي ... ذكرت الله وسعبلت على صدري .. ابشركم سعابيلي على المواصفات والمقاييس ..خاليه من البلغم والطحالب المخضره ... المهم مشينا انا والوالد الله يطول بعمره ... يوم جينا بنركب السياره .. التفت علي ابوي وقال .. ياابني العزيز .. بعد اذنك.. هل باستطاعتك ان تسوق بدالي .. لانني مرهقن جدن ... رديت عليه .. بكل سرور ياوالدي .. هذي الساعه المباركه التي اتشرف بسواقة موترك وخدمتك صباح مساء ... ( على طاري خدمتك ماقلتو لي كم وصل سعر الارانب ؟ ) ... فتحت لبوي الباب .. ورحت يم باب السواق عشاني بسوق به ولاول مره في تاريخي المليء بالصدمات ( والقلبااااات ) ... ابسوق وجمبي ابوي ... توني ابقعد على المرتبه ( بالله عليك بتقعد على المركا يعني ؟ ) ... توني حاط " مكان جلوسي " .. ليني اسمع نفس الصراخ والصياح ... شوي وانكتم الصوت ... قال ابوي وش ذا صوته ... قلت شكلي جوعااااان .. وهذي اكيييييد حمير بطني تناهق ... ماافطرت ولا تغديت ... قال ابوي .. اجل عجل خلنا نلحق على عشا عمك لايروح علينا همن نبلش بك انت وحمير بطنك بيت عمي حول الاتصالات ... يوم مرينا جمب الاتصالات قال ابوي وقف وقف ... قلت وش فيك عسى ماشر ... قال الشر مايجيك ( اشوى انه قال كل تبن ووقف ) ... عاد انا معي ابوي لازم لين جيت اوقف السياره ارعص الفرامل بالهون ... ويالله توقف السياره عقب سبعه كيلو ... شغل رده بنمره وخل السياره تزحف ماينفع يوم وقفنا بالسلامه قال ابوي طف
الموتر ويالله خلنا نتمشى على رجلينا نسوي رياضه ... ( حبكت تسوي رياضه
يوم صرت جوعااان ) ... قلت له باقي اقل شي كيلوين على بيت عمي ... قال
ابوي الانسان في هذه الحياه يجب ان يكون رياضيا نشيطا ... ( علموني كم
سعر الارانب تراني جوعان ) ... وبعد كرف كيلوين وصلنا بيت عمي ..
وسلمت على اللي فالمجلس والمقلط والصاله واللي في غرفة السواق .. بغيت
اروح لغرفة الشغاله فالسطح اقوم بالواجب واسلم .. بس جتني بياله على
علباي رجعت للمجلس غير مأسوفن علي ... توني ابقعد مع الرجاجيل ...
فالمجلس لقيت ولد عمي عند الباب واقف .. رحت عنده وقعدنا نسولف .. قالت
له تراي تعبت من الوقفه جب لي كرسي اقعد ولا شف لك صرفه ... ولد عمي
مخفه وعلى باله سنافي قمز وجاب لي كرسي .. توني ابقعد عليه رجع نفس
الصوت الصياح والمصارخ ... انا طقتني النفاضه .. وطقتني جارتها ام
الركب وابو الركب وعيال الركب كلهم جوني يوم سمعت هالصوت للمره
الثالثه على التوالي .... وداني لاقرب حمام ... الله يكرمكم
.. توني فاصخن صروالي ليني اشوف
موقع أبو نواف ::::::::::::::::::::: نور البدر
|
