بسم الله الرحمن الرحيم
ياخي بالله ما شفت الطاقيه
أو يارجال بلا طاقيه
بلا شماغ أنت صاحب بيت مو لازم أكون رسمي معك عقال وشماغ ومدري وش<--أقول
لا يكثر 
أقلط أقلط خلنا نقهويك يا هلا يا مرحبا
تعال هنا عند المكيف 
وبعدين وش جابك أنت ووجهك
<-- خربت الاخلاق
.والله من القراده والنحاسه الي فيك يوم أنك تخش علشان تعرفن مين أنا
والله لو أنك بتتعرف على براد بت أو جون ترفلتا أو توم كروز
أو عبد الله الجمعان
<--وش
جاب ذا يأبن الحلال
الاسم
نور البدر
عمري
خمس وعشرين سنه و كم شهر
يقولو أهلي أني يوم ولدت شافو
شهاب كبيييير طاح من السماء فقالو أكيييد ذا الولد معجزه الي هو أنا
(يا
خي نصااااب يوم ولد نص جماعتهم ماتو ا)
طول 176
الوزن 77
<--وش جاب الوزن مقدم على
عسكريه الاخ
*****
هواياتي
::..أموووت في الكمبيوتر بشكل عام
(مع أن مالي علاقه بدراسة الحاسب )
سواء تركيب وفك قطع الكمبيوتر وتحميل وفرمتت الكمبيوتر
والتعرف على البرامج الجديده
::..احب
الفتوشوب هاااوي مزاجي
يعني مو
محترف
يوم أصمم تصميم حلو
واليوم الي بعده ما أعرف
حتى كيف أناسق الاوان
::..وتصميم صفحات الشخصية
::..وبرضو تسجيل المسجات الصوتيه الي تنحط لرد على المكالمات الهاتفيه وحاط كم ملف في صفحة مسجاتي .
::..أحب التصوير بشكل كبيييييييييييييييير لدرجة أنو كاميرتي معي
في السياره والحمد لله في صور كثيره حلوه صورتها أن شاء الله
أنزلها في الموقع مستقبلاً<-- يمديكم على
مستقبلا
::.. أحب الرياضة بشكل عام وأمارسها دايم
السباحه والكوره على الاقل ثلاث مرات في الاسبوع
أحب البولنق والبلياردو صراحه متعه وفن
ودقه 
***
وأنا صغير
يوم كنت صغير :كانت
هوايتي أنو بعد ما أخلص من العلك الصقه في شعر أقرب بزر عندي
تقولولي
ليييييش أقلك مدري والمشكله أني كنت أتصفق بس ما في فايده .
الروضه:
تبي تشوف كتابتي يوم كنت في الروضه الي تدرسني كانت فاااكه معي ما بقي
غير تكتب قصايد غزل
بس أنا كنت ثقل أعجبكم
<-- والله من النصب
******
الكليه
صراحة الحياه في الكليه والمحاضرات والروحه والجيه والجداول والنتايج
والطلاب والزحمه شي رهيب
وممتع
المحاضرات الي ما تعجبنا نقلبها شاااااااااات بقوه
ورقه تنتقل بننا أنا وأخوياي ونقعد نسولف
كل شوي الورقه تنتقل من طالب لطالب
ههههههه
صراحه وناسه
ومع كذا كنت دافور
تبو تشوفوا الشات حقنا ..
مع أننا في الحقيقه ما نخش
الشات
اذكر أول ما دخل النت السعوديه دخلنا الشات
ما طولنا حدنا شهر شهر وشوي
وكرهناه
أنا الخبل
******
الافلام
أعتبر الافلام عالمي الخاص
يعني لما اتفرج في الفلم أعيشه بكل جوارحي
وأزيدك من البيت شعر
<--ما يعرف يسولف أبد
عندي طقوس
(أخس يا طقوس
)
لما أتفرج في
الفلم داري ملقوف تبي تعرف وش هي
1-
لازم أتفرج في الفلم بعد الساعه وحده في الليل وأكون مطفي الانوار ضلام
دامس
ما غير نور الشاشه في الغرفه وجالس على الكنب وأنواع الروقان
2-اذا
كان الفلم أكشن أو غامض أو أثاره ..لازم عشى محترم وما اكله كله في
بداية الفلم لا أقسمه قسمين أو ثلاثه شاري حافظة طعام مخصوصه علشان عشى الافلام <--خبل
3- اذا الفلم رومنسي أو كوميدي تلقاني أخذ عصير فراوله أو كافي محترم مع مكسرات وفشار
4-
ومسسسسسستحيل أتفرج في
الفلم مع أحد لاني بصكه بالرموت كنترول لو يتكلم
والله قلق شوي يسألك ليش
كذا أو ليش كذا ..يعني صراحة قلق .علشان كذا أشوفه لوحدي
أفضل ممثل عندي (روبرت دينيرو ) في افلام الاثاره والاكشن
و(جيم كاري) في أفلام الكوميديا
و(جت لي) صراحه صارت أفلامه تجذبني
الافلام الهنديه
ما أتابعها لكن نصيييييحة في فلم لا زم تشوفه
والله جد فلم قممممممه في الروعه أسمه Devdas
هو الوحيد الي ماتحسفت اني شفته ونافس على أوسكار
******
غرفتي
صراحة غرفتي أقعد فيهاأكثر
ما أقعد مع أهليمن جد غرفتي هي عالمي الخاص
حتى لو تزوجت بشيل كل قشي
وحط غرفه خاصه فيني<--علشان
اذا طردتك زوجتك يا نصاب
.كل النقوش والحركات الي فيها أنا مصممها بنفسي يعني شغلة مزاج
وبيني وبينك اذا ما تونست في غرفتك وخليتها المكان الي ترتاح فيه
وين ترتاح في السطوح
؟؟<--مكسر لمبات
سطوحهم مو بالكوره بالنعال ورى البعارص
هذي صوره لجزء من غرفتي
أضغط على الصوره
******
التصوير والاستديو
قلت لكم أني أحب التصوير فاجد فاجد
<--واجد بس بالباكستاني
معي كاميرا تصوير دجتل ..وبرضو كاميرا تصوير فديو ..تلقوني بكاميرة الفديو أصور مثلا طلعاتنا الي مع أخوياي أو مع أقاربي ..وأسوي فلم كامل مقابلات وكل شي سويناه أنزله على الكمبيوتر أضيف عليه مقدمه مثلا بالسويش أو ببرنامج الادوبي بريمير وأنسخه على سيدي وأوزعه على الشباب الي كانو في الطلعه أو السفره ..
برضو بعض المباريات أصورها لشباب خاصه لو
كانت في الاستراحه وعبالي أعيد بعض الحركه البلبطي
.وعندي حامل للكاميرا وعجلات وأضائه وحركات
علبالي نجدة أنزور
هههه تقولو لييييه تسوي زي كذا
أقولكم مدري بس أعشق التصوير
عاد الفتره الاخيره بعد الكاميرا الدجتل
سويت لي أستديو في الغرفه
علبالي أستديو ريما ولا زماني
أصور فيه البنوتات وأسوي مقابلات معاهم كذكرى وأعطيها أهلهم ..هههه
وأشتهرت الشغله سارو أولاد عمي يقولو سو لعيالنا وأخوياي يقولو سو
لخواتنا الصغار مقابلت يعرفوني ما أداني الاولاد الصغار
مافيهم أي برأه ولا طفوله
قلت إذا تبوني أسوي مقابلات مع البنوتات الصغار أوكيه
لكن لو أنت تبي تخش في المقابله لازم تدفع مبلع لا يقل عن عشر الاف ريال
وهذا الاستديو
******
قهوتي
ببساطه مدمن قهوه أمريكيه
بشكل غريب.
عندي مكينه صغنطوطه تسوي كابتشينو مع كوفي ميكر في الغرفه
البن الي أخذه بن حب
(مو حب يعني فصفص
يا أهبل
)
وأطحنه وبعدين أغلفه في خمس طعش الف كيس
علشان نكهته ما تروح
هذا هو البن الي أخذه
نصيحه خذو منه ترو ممتازه نكهته
أضغط
وفيه كيك هو الي أستانس عليه محشي الطماط أووووو قصدي الشوكولاته أو الفراوله
وهذي صورت قهوتي <--تكفا يا أستار بوكس
أضغط على الصوره
..::شكر خاااااص::..
صراحه هذا الموقع لولا الله ثم أخوياي وبعض القريبين مني ما كان
هذا الموقع خلص
يعني بجد دعمهم المعنوي كان دافع كبيييييييير لي
يدعو لي بالتوفيق ويساندوني بالكلمه الطيبه وبالصراحه في النقد
أشكرهم جميع
وأخص بالشكر الي كانو معي دااااايم
حبيب البي الي خشمه مدور
لاحووول هذي جزاته والمشكله خشمه مو مدور
وبؤبؤ عيني أبو مكرونه
وش أسوي يموت في المكرونه حتى في الكليه ما ياكل إلا مكرونه
وأخيرا
وداري أنو بيحقد علي
الي سيقانه معصقله
له مكانه خاصه جدا من الداعمين القويين لي
كثرت عليكم هرج
أشكركم وبعنف
نور البدر
