السلام عليكم

كيف الحال

:: فكرة الموضوع ::
ببساطه أنو تشاركوني متعتي الخاصه .

 

تونا نعلق اللوحة حقت المحل وفيه هوى يحركها

فأنتبه لراسك

:: فكرة الموضوع ::

ببساطه أنو تشاركوني متعتي الخاصة

يعني كنت ناوي أنزل الشي هذا في الموقع حقي

لكن بما أني أبي انزل كل الي في راسي دفعه وحده

طاااالت الشغله .. علشان كذا فكرت أنزل أكثر من موضوع

بعدين أحطها في الموقع

والفكرة تتعلق بالقهوة

الكافي الموكا الكبتشينو أمم السينابون

وغيرها من الأشياء المتعلقة بالقهوة

بس بطريقتي الخاصة اللي دايم أستخدمها

و أنواع التأجيل وكله علشان مزاج أفندي

بس الحمد لله روقت شوي

:: الاجزاء ::

::طريقة عمل الكافي بنكهات مختلفه ::

:: طريقة عمل السينابون على السريع ::

:: طريقة عمل الموكا البارد ::

::طريقة عمل الكابتشينو ( بأستخدام ماكينة كابتشينو ) ::

ما أوعدكم أني أنزلها بشكل أسبوعي
زي تصميم موقع شخصي
لانو الشغله ترتبط بالمزاج بعنف شديد
اذا المزاج رايق يمكن أنزل المواضيع
كلها في يوم واحد .<-- عاااادي تمسك معه غلط بقوه



::: طريقة عمل الكافي بنكهات مختلفه :::

..:: نقاط على الطاير::..

لا تتعامل مع الكافي
على أنو شي تشربه وأنتهينا ببساطه عطه أحترامه
::
أمم حاول قدر المستطاع ما تشرب الكافي
وأنت متضايق
يعني
حاول تشربه وأنت منشقح أو مبسوط على الاقل
علشان ترتبط ريحته بالمتعه وبشرحة الخاطر .
::
حاول أنك تشرب الكافي
في كوب خاص فيك
أو كوب حافظ للحراره علشان يحتفظ الكافي بشبابه
يااااكرهي
للي يشرب الكافي في كوب بلاستيك وين حنا فوار فيتامين سي
::
حاول تتلذذ وأنت تشرب
وتتحسس النكهه تشرب وتشم الريحه
ههه بمعنى أخر حاول
تخلي روحك تشرب معك علشان تنتشي مشاعرك وتنشقح .
::
حاول تخلط المزيج مثلا قهوه وحليب ومكونات ثانيه
بعد كذا أضف الماء الساحن
علشان يذوب بشكل كويس وما يطلع كلاكيعاتو

اذا ما كنت تقدر تسوي هذي النقاط لا تكمل الموضوع
وسكر الباب وراك وطف النور
أحمم ولا أقلك لا تطفي النور
وخل الباب مفتوح
يرحم أمك <-- أبببد ما خق أبد وضاعت علومه .



:: الكافي المخلوط ::
حلو الانسان يغير النكهه أو يخترع نكهه جديده من عنده
علشان يحس باللذه الجميله للقهوه
.. ولا يحس بالملل

كيف يعني ؟؟
يعني حاول أنك تخلط أكثر من نوع من الكافي
لين توصل لنكهه جديده أمممم مو نكهه جديده
لكن نكهة القهوه بس بطعهم ولذه مختلفه .

شخصيا ما أحب نسكافيه من شركه نستله
فيه شركه أسمها كروجر
مدري أحس اني أرتحت لها ههه ويمكن أغيرها بعد فتره
المهم هذي صوره الكافي المستخدم


1- أجيب نوعيه (classic)و أجيب نوعيه (goold)

2- هنا مربط الفرس أجيب قهوه مطحونه
تحصلوها في دكتور كيف( العلبه الي في اليسار )
أو ستاربوكس أو سياتل بست
تطلبو بن موجود عندهم نوعيه ( ألاسبريسو ) أو أي نوعيه ثانيه حسب مزاجك
وتطلبه يطحنها وينعمها لك...
شوفو البن الي قدام العلبه الي في اليسار حقت دكتور كيف .

4- تخلط الثلاث أنواع هذي مع بعض بالنسبه لي تريحك
وتحس أنك تتلذذ فيها

على الطاير
قمممه المتعه
لما تشرب ويبقى شوي من بالبن المطحون في فمك
وبأسنانك الاماميه تضغط على الحبات الصغيره
حقت القهوه المطحنوه ههههه خنفشاري الطعم
::
هذي القهوه المخلوطه ..الي راح أستخدمها في الطرق الباقيه .



:: كافي بالشوكلاته ::

نكهة الشوكلاته جدا حلوه على الكافي
بس حاول ما تكون كثيره علشان تعطي نكهه خفيفه
بس ما تخفي طعم القهوه

[COLOR=Sienna]المكونات والطريقه
1- ثلاث أو أربع ملاعق صغيره ( من القهوه المخلوط المذكوره سابقاً)
2- ملعقتين حليب بودره .. أو سائل حسب مزاجك
3- ملعقه ونص أو حسب مزاجك شوكلاته بودره
أفضل شوكلاته جربتها الي هي نوعيه كادبوري (cadbury)

على الطاير
ممكن تستخدم القوالب زي جلكسي
خاصه الي فيها مكسرات ... تطلع حركه

:: أخلط المزيج قبل ما تضيف الماء الساخن ::



::كافي بالكاكاو ::
الكاكاو نكهته تتخلف عن الشوكلاته بشكل كبير <-- قل قسم
لانو أخوياي أقلهم تبو الكاكاو أو الشوكلاته ههه يقول ياخي ماتفرق
أقول تفرق أصلا وش عرفك حدك عصير برتقال كبس
بس ترو الكاكاو قللللق علشان يذوب ههه يتجمع على بعض
علشان كذا أخلطو المكونات زين قبل ما تصبو المويه
وأنا أصب المويه على الخليط أكلم الكاكاو أقول لو فيك خير
سو لي زحمه وتجمع ها ها ها <-- ضحكه بالفصحى

المكونات :
1- ثلاث أو أربع ملاعق صغيره ( من القهوه المخلوط المذكوره سابقاً)
2- ملعقتين حليب بودره .. أو سائل حسب مزاجك
3- ملعقه ونص أو حسب مزاجك كاكاو بودره
أمم الكاكاو الي أرتحت له الي هو هنتز
قديم أذكره من أيام الملك عبد العزيز <-- أحم أحد يسحبه بدى يضيع
:: أخلط المزيج قبل ما تضيف الماء الساخن ::



:: كافي القرفه ::
نكهت القرفه مميزه على الكافي
بعض الناس من الاسم ما يستسيغ الشغله
يعني بعض الشباب أقلهم أحط قرفه على الكافي يقول
لا يا شيخ فكنا ... فأحط لهم بالقوه وبعد ما يجربوه يطلبوه بالاسم

المكونات :
1- ثلاث أو أربع ملاعق صغيره ( من القهوه المخلوط المذكوره سابقاً)
2- ملعقتين حليب بودره .. أو سائل حسب مزاجك
3- أممم أفضل نص ملعه أو ملعقه لانو القرفه تصلح نكهه بسيطه
ما تصلح اذا سارت كثيره ..
شخصيا ما أفضل تاخذ قرفه مطحونه جاهزه مدري أحس نكهتها خفيفه
لكن خذ قرفه أعواد وأطحنها وحطها في علبه مقفله كويس
علشان ما يتغير طعمه . شوف الصوره هذي .

:: أخلط المزيج قبل ما تضيف الماء الساخن ::



:: كافي المربى ::
ههه داري بعضكم يضحك
بس أحب أسوي نكهات جديده
علشان ما تمل ... وتستلذ أكثر ..

بعضنا يحب فواكه مختلفه . مشمش خوخ برتقال كرز فراوله تين
وبرضو يحب الكافي
طيب ليه ما نجمع الحبايب مع بعض
<-- من جد بتجتمعو.. تحتاج أستراحه شي <-- أقول أنثبر <-- طيب

المكونات والطريقه ..
1- سخن المويه وبعد ما تغلي مباشره صبها في لاكوب
وجب ملعقه من المربى الي تحبه مثلا بنكهة المشمش
وذوبها في الكوب . يفضل ما تجيب المربى الي فيه شُقف
يعني مربى يكون ناعم .
شف الصوره .
2- ثلاث أو أربع ملاعق صغيره ( من القهوه المخلوط المذكوره سابقاً)
3- ملعقتين حليب بودره .. أو سائل حسب مزاجك

بتحس بنكهه خنفشاريه .



:: كافي المكسرات ::
شخصيا أحبببب أسويه الكافي هذا
لذته مره حلوووه .. وممتعه

المكونات .
1- ثلاث أو أربع ملاعق صغيره ( من القهوه المخلوط المذكوره سابقاً)
2- ملعقتين حليب بودره .. أو سائل حسب مزاجك
3- أطحن المكسرات مثال على الشي الي أحبه ( لوز + فستق + كاجو )
أو أي نوع أو نوع واحد منهم .
أطحنها على قسمين
القسم الاول ناعم ..
علشان شبه يذوب مع الكافي ويعطي نكهة ( لوز + فستق + كاجو )
القسم الثاني خشن ..
علشان تستلذ فيه وأنت تشرب .

لا تكثر من الناعم خل الخشن أكثر
وتأكد من ألمكسرات جديده مو متغير طعمها
وحطه في علبه مقفله كويس علشان ما يتغير طعمه .

لا تقولي المكسرات تسمن
ههه مافي شي في الدنيا ذي يسمن دام تتحرك

:: كافي بنكهات صناعية ::

هذي الطريقة للي مو فاضي
راح تقول كيف ؟
 تسوي كافي عادي بدون أي إضافات
ثم تضايف عليه نكهة جاهزة
مثل نكهة ( الفانيلا - اللوز - الفراوله - البندق ...)

تعرفو نكهة الموز الي في العلب الصغيرة نفسسسها بالضبط
بس بالنكهات الي قلنا عليها  ( الفانيلا - اللوز - الفراولة - البندق ...)
عاد نكهه الموز هذي ما أدانيها أبد

تحصلوها في بنده ولا جيان في نفس القسم الي فيه ( نكهه الموز )

إذا سويت الكافي حط قطره ولا قطرتين تكفي
مو تحط نص فنجال

ويعطيك نكهة جدا جميله

:: كافي بالبصل ::
ههه تخيل عاد
وين كبسه



:: رتب الشغله ::
بعضكم يقول ياااخي مشوووار
علشان أسوي أي نوع من هذي الانواع
أقلك صح كلامك
لكن حاول تتعب مره وحده ..
يعني

راح السوق وأشتر علبه شوكلاته وعلبه كاكاو
وقرفه ومكسرات والمربى الي تحبه
والقهوه الي تحبها ومر على دكتور كيف
أو أي مكان ثاني وخذ بن مطحون ..
وحط كل شي عندك في الغرفه ..
وجمبها السخان .. والكوب حقك .

يعني راح تتعب مره وحده بس ..
وبعد كذا خلاص متى طرى على بالك شي
في دقيقه تسويه .

شوفو الصوره هذي ..


شخصيا هذي في غرفتي والعمل عندي وحده زيها
ههه أفكر أسوي وحده في السياره
ولو سافرت العفش ذا كله أحطه
في كرتون صغير وأشيله معي


تحيه أحلى من أنفاس قهوه