:: فكرة الموضوع ::
ببساطه أنو تشاركوني متعتي الخاصه .

يعني كنت ناوي أنزل الشي هذا في الموقع حقي
لكن بما أني أبي انزل كل الي في راسي دفعه وحده
طاااالت الشغله .. علشان كذا فكرت أنزل أكثر من موضوع
في المنتدى بعدين أحطها في الموقع
والفكره تتعلق بالقهوه
الكافي الموكا الكبتشينو أمم السينابون
وغيرها من الاشياء المتعلقه بالقهوه
بس بطريقتي الخاصه الي دايم أستخدمها
بس تعرفو أخوكم أنواع التأجيل وكله علشان مزاج أفندي



:: الاجزاء ::

::طريقة عمل الكافي بنكهات مختلفه ::
أضغط هنا لمشاهده الموضوع

:: طريقة عمل السينابون على السريع ::

:: طريقة عمل الموكا البارد ::

::طريقة عمل الكابتشينو ( بأستخدام ماكينة كابتشينو ) ::





:: طريقة عمل السينابون على السريع ::
أنا أسميها طريقة العزابيه
أهلي يسافرون
وأنا أقعد لوحدي تراودني الحيره والحزن <-- أقول أنثبر وكمل
وبما أني مدمن سينابون وكافي
و يمسك معي سينامون بجد بجد مسكه غير طبيعيه
وخاصه أخر الليل يعني الساعه 2 ولا الساعه 3 يعني أفلقني
أروح أجيب سينامون من سياتلز بست ولا من أي مكان ثاني
.. ومافي أحد يسويها لي
لانني أكون لوحدي حيث تراودني الحيره والحزن<-- أبووو المسكه يا شيخ
المهم سرت أسوي الطريقه هذي السهله
وأخليها في الثلاجه مغلفه تغليف يا شيخ ولا مصنع الادويه
وكل ما مسكت معي سينامون أطلعها وأسخنها في المايكرويف

المهم أتشرت الطريقه بين أخوياي العزابيه الي على شاكلتي
وسارو يسووها بنفس الموال
علشان كذا أسميها سينامون العزاب



المكـــــــــونات والطريــــــــــقه



حليب مركز ( نستله )
من زود الدجه
كنت أضن أني جايب نستله أثاريني جبت بوني
بس كلهم نفس الطعم أحسهم
يصنعون في مصنع واحد ويغيرو
الورقه الي برى
ههه يا هو مليان سعرات حراريه بس لذيذ


خبز صامولي صغير
مهم يكون جديد طري ممكن خبز بر لحقين الرجيم
تحصلوه في بنده ..

جبنة كيري
يا أنا أقدرها ذي الجبنه من جد لذيذه

قرفه مطحونه
يفضل أنها تكون جديده توك طاحنها
ونعمها كثيييير






بعد كذا نقطع الخبز شرائح متساويه
وحيث أن
الحزن والحيره تراودني <-- الشرهه مو عليك على الي علمك الجمله ذي كمل بس






بعد كذا نسوي الخليط حقنا
عباره عن
جبنة كيري( عشر حبات) +علبه حليب مركز ( نستله)
هذي الكميه تقريبا تكفي 15 حبه صامولي صغيييير

هههه كل شوي أدخل الملعقه في الخليط هذا
وأذوق بجد لذيييييذ






بعد كذا تطحن القرفه بس تكون جديده
أنت توك طاحنها علشان نكهتها

وش تسوي بعد كذا
تغمس وجه شريحةالخبز في الخليط
بعدين تحطها على القرفه المطحونه
بعدين تلزقها في شريحه ثانيه

وزي كذا تغمس الشريحه في الخليط
بعدين في القرفه المطحونه بعدين
تلزقها في شريحه الاولى أوووكي

بعد كذا تغمس <-- والله يا أنت قلق خلاص فهمنا





يطلع عندك الشكل هذا
وبعد كذا تكب باقي الخليط
على شرائح الخبز زي ما تشوف في الصوره
وبما أن الحيره والحزن تراودني <-- قسم بالله ذليتنا يا شيييخ







بعد كذا تحط السينامون
في الفرن لمده خمس دقايق لاتكثر وقت ..
زي ما تشوفو في الصوره .
مره نسيتها ههه يا هي طلعت الشرايح
كأنها كفرات سياره لاسلكي







بعد كذا قطعها وبالهناء والشفاء
مع كوب كافي وأشتغل على الكمبيوتر شي خنفشاري




على الطاير
-------------
اذا تعبت أتعب مره وحده
يعني الاهل يسووها
وخلها في الثلاجه وغلفها بشكل كويس متى ما أشتهيت
سينامون سخنها وكلها