كيف تشتري نوت بوك

هذا الموضوع من جد تعبت فيه لكن الحمد لله كان تفاعل الاعضاء جدا رائع

وكان صداه خارج المنتدى ممتاز

كان عدد مشاركاتي 739

بتاريخ 09/03/2003

 

أولا ..
والله من زمان وأنا أبغى أكتب هذا الموضوع بس كل يوم أقول بكره<--أبد مو عجاز
لانو مقصر في المواضيع الي تخدم الاعضاء في الحاسب .

ثانيا..
بصراحه النوت بوك يعتبر المستقبل بالنسبه للحاسبات
بمعنى أنو شوي شوي راح تنسحب المخده من تحت راس الكمبيوتر الشخصي ..
لعدة أسباب
أهمها تطور الوضع وبشكل قوي جدا في مجال النوت بوك ..تقول وش قصدك يعني
قصدي أنو النوت بوك سابقا كان تطوره بطيء جدا جدا
ومواصفاته سياحيه وسعره مررررره غالي 12 الف وأنت ماشي
لكن الان سارت مواصفاته تنافس مواصفات الكمبيوتر الشخصي
من معالجات وسرعات ورامات وغيرها ..السعر برضو أقل من أول بكثير .

ثالثا ..
كلامي بيكون كثير في الموضوع
لانو راح ندردش في كل خاصيه وكل منفذ موجود
يعني ماراح أقول لازم يكون المنفذ الفلاني وأسكت
لا بأقلك ليه لازم يكون موجود ...عرفت:)
فلا تنفجع من كثرةالكلام ..وتقول الشغله صعبه
وتراني بأتكلم من باب ممارسه وأحتكاك وتجربه
يعني مو من باب خبره وتخصص لان ما وري غير الدجه


وياااارب يكون فيه أستفاده وما أثقل عليكم في الكلام ...حلو:)




:::المعالج:::
المعالج في النوت بوك ينقسم الى قسمين
1- معالج (pc) ..يعني معالج كمبيوتر شخصي
له عيوب كثيره منها أنو يخلي حجم النوت بوك أكبر
أرتفاع حرارته ...وجود مراوح كبيره في الجهاز لتبريد المعالج
وهذا يقلل عمر البطاريه يعني ما يخليها تطول
أمممم برضو بيني وبينكم شفته مع واحد من الشباب أنواع الازعاج
لانو فيه مروحتين كبيره ..وثقيل وزنه ما تحس أنو تتعامل مع نوت بوك ..والله صدق

2- معالج (موبيل)... ببساطه عكس كل الكلام الي قلناه عن معالج (pc)
يعني حجمه أصغر وزنه أقل ما يحتر بسرعه ..يخلي حجم الجهاز أصغر
وبيني وبينكم هو المخصص أصلا لنوت بوك

الزبده
أنو أحرص أنو يكون المعالج حق جهازك من نوع (موبيل)..لانو هو المناسب
والافضل ..أكيد سعره يكون أعلى شوي ..بس نصيحه لا تاخذ إلا موبيل
شخصيا لو مكانك بأخذ معالج نوعية موبيل



:::الكاش ميموري:::
حلو ..الكاش ميموري تكون 512 ..وصراحه تقريبا الى الان ماشفت
في السوق أقل من 512 أكثر الاجهزه اذا ماكان كلها الكاش ميموري حقتها 512
لكن أنت تأكد من الشي هذا ..حلو الكلام



:::الراماتRAM:::
أوكي...هنا فيه شوية تفصيل حلو
1- فيه نوع من الرام أسمه (أس دي رام )(SD RAM)
..هذا سرعته إذا ماني ناسي 133
هذا النوع كويس ولكن مقارنه بالنوع الثاني لا .هذا النوع (SD RAM) أرخص من النوع الثاني .

2- النوع الثاني من الرام أسمه (دي دي أر اس دي رام )
(DDR SDRAM) هذا النوع
سرعته 266هذا النوع أفضل من النوع الثاني يعني تحس جهازك
أسرع وأفضل ..أكيد سعره أغلى من النوع الثاني .

الزبده
أنو النوع الثاني (DDR SDRAM) أفضل
وحاول أنو يكون هو النوع المستخدم في جهازك
..لكن لنفرض أنو استخدمت النوع الاول عادي وجهازك يمشي زي الحلاوه
لكن لو كان النوع (DDR SDRAM) يكون أفضل بكثير وأريح بكثير .
وراح يمشي جهازك زي الكنافه
شخصيا لو مكانك بأخذ(DDR SDRAM)

أيه نسيت
لا يقل حجم الرام عن 256 ...وبيني وبينكم لو تخلوه 512 أفضل وأريح
بجد مهم أنك تزود حجم الرام راح ترتاااااح
يعني زي الي ينام على كنب وواحد ينام على سرير مويه <-- هذا وجهي لو قد شاف سرير مويه



:::كرت الشاشه:::
مهم جدا أنو تكون مواصفاته حلو ..وبين وبينكم
أكثر النوت بوك الموجود في السوق نوعية كروت الشاشه الي فيه
ممتازه ..لكن فيه أكثر أمتياز ..
متخفوش حنألكم أزاي <--يصلح مدرس مصري

فيه نوعين هم الافضل
1- النوع الاول أسمه (nvidia ge force4) يارب ماأكون أخطيت في الاسبلنق
هذا النوع يعتبر من أفضل الانواع في القرفك جدا ممتاز ورائع .
2- النوع الثاني من شركة ألمانيه ATi <--أعز هذي الشركه بقوه
في السوق منزله نوعين هذي الشركه
النوع الاول (ATI radio 7500) خنفشاري ورهيب
النوع الثاني (ATI open gl 9000) لكن هذا أكثر خنفشاريه وأكثر رهابه

الزبده
زي ما قلتلكم كل الانواع ممتازه لكن بعضها أكثر أمتياز ..والاكثر أمتياز أكيييد أكثر سعر :
شخصيا لو مكانك بأختار (ATI open gl 9000) أو هذا (nvidia ge force4)..لانهم الافضل .

برضو لاحول بغيت أنسى:) <--شرط بيكتب الموضوع وينسى ينزله
لا تقل حجم كرت الشاشه عن 32 رام ..أقل من 32 لاتاخذ حرام صر احه
...ولو تخليه 64 أكيد أفضل بكثير ..علشان القرفك يطلع عندك تمام وزي القزازه:)
وتذكر دايم كل مازوده كل مازاد السعر



:::الهاردسك:::
الهاردسك تقريبا نوعيته واحده ..ولاتهتمو في نوعيته كثير
خاصه في النوت لانو الي في السوق الحين أكثره نوعيه ممتازه
وأفضل الي في السوق ..
يعني الهاردسك الموجود في السوق حجمه من (20 الى 30 ) قيقا ..وسرعة الهاردسك تقريبا 5400
فيه سرعه للهاردسك الي هي 7200 بس لسى ما نزلت .
((((أكيد فيه فرق بين سرعة الهاردسك وبين حجمه ...السرعه الي هي سرعة نقل المعلومات
لكن الحجم الي هو مساحته التخزينيه ...وبالتأكيد كل ما كانت السرعه عاليه للهارد دسك أفضل
يكون الجهاز أسرع )



:::كرت الصوت:::
نعرف أنو سماعات النوت بوك مو كبيره صغيره ملحطه شوي
عادي لا تركز عليه الكرت حق الصوت ..


----------فاصل شعري ونعود بعد قليل ------------
نلتقي مع الشاعر مدحت ..وش عندك يا مدحت

البارحه ونيت واليوم حااااون .....وحوزع الونات في كل حته
وش عاد ون راحن وش عاد ون قن .....وتنين في تلاته يساوي سته

صح لسانك يا الشاعر مدحت
لسانك مصحوح يا أفندم <--ما يعرف يرد أبد
------------------------------------------------------


**********المنافذ التي يجب توافرها في الجهاز ************

:::منفذ الشبكه:::
الموجود في جميع اجهزة النوت بوك الان
سرعة نقل المعلومات تقريبا من (10 الى 100 ) ميقا في الثانيه .
يعني تقدر تستخدمه في نقل المعلومات بينك وبين جهاز خويك ..
يعني مره نقلت من جهازي تقريبا واحد قيقا وشوي لجهاز خويي
عن طريق كرت الشبكه
تدرو كم أخذ من وقت تقريبا 15 ثانيه أو أقل
يعني واحد قيقا يعني (1024 ميقا) أو أكثر ياخذ بس 15 ثانيه
علشان تنقله من جهاز لاخر شي ممتاز مره ..أذكر أني تشققت ذاك اليوم

وبرضو يعتبر منفذ مهمممممم جدا تحتاجه لما تبغى تشبك في
شبكه معينه خاصه أنو النوت بوك تقدر تسخدمه في العمل
وكثير من أماكن العمل تستخدم الشبكات .حلو الكلام



:::منفذ المودم:::
أممم هذا معروف حق الفاكس مودم ..كل
النوعيات الموجوده ممتازه فلا تشيل همه أهم شي يكون موجود...وتقريبا كل الاجهزه الان
الي في السوق موجود فيها منفذ المودم .




:::منفذ USB:::
الي هو مخرج USB المشهور ..الموجود في كل الاجهزه حلو .
الان يوجد (USB2.1 )..وهو الاصدار الجديد من جيل USB<--أخس يا جيل
وأكيد (USB2.1 ) أسرع في نقل المعلومات .

الزبده
يجب توفر منفذان USB أقل شي ...ويفضل تكون من الاصدار الجديد USB2.1 .


:::fire were:::
أو يسمى I.LINK هذا المنفذ يتميز بسرعته
العاليه من جد سرعته صاروخيه
حتى أنو ينافس سرعة USB2.1
وشخصيا أشوف أنو المستقبل لـ fire were
أممممم لي عنده كاميرا سوني راع يشوف فيها منفذ fire were أكثر الكاميرات الدجتل
تستخدم هذا المنفذ .


:::منفذ الاشعه تحت الحمراء Infra red:::
من أهم المنافذ والي لازم توفرها في النوت بوك
..شخصيا أكثر المعلومات الي أنقلها عن طريق الانفراريد ...
بس توجه النوت بوك حقك بأتجاه النوت بوك
حق خويك ويسير أتصال لاسلكي وتنقل المعلومات من جهازك الى جهاز
خويك بكل سهوله وبدون أسلاك
وخرابيط ...أنت على مكتبك وهو على مكتبه...شي خنفشاري صح




:::منفذ COM وLPT:::
COM منفذ تسلسلي أممم يستخدم في الفاره أو نقل معلومات أحيانا لو عندك
كاميرا دجتل قديمه بعض الاجهزه الجديده ماسارت تحطه ...بس حلو لو كان موجود ممكن تحتاجه .
LPT الي هو منفذ الطابعه ..مهم وتقريبا في كل الاجهزه موجود .



:::منفذ PS/2:::
هذا المنفذ الخاص بالفاره والكيبورد ..يعني أحياننا ما يحب يستخدم الواحد البورد
حقت الفاره الي في النوت بوك ..يحب يستخدم الفاره التقليده ..فمهم يكون موجود .




:::منفذ TV OUT:::
من أهم المنافذ الموجوده جدا جدا مهم علشان تقدر تعرض الي فجهازك على
التلفزيون وبيني وبينكم لما يكون معك النوت بوك وكنت في أجتماع وتبغى تعرض الي عندك قهر
ما يكون عندك مخرج TV OUT ...


:::منفذ S-VEDEO :::
برضو منفذ مهم في عملية نقل المعلومات
تستخدمه بعض الكاميرات يعيني لو ماكان موجود عادي بس يفضل يكون موجود


----------فاصل موسيقي ونعود بعد قليل ------------
تن تن تيم ترم ترم
أنا كنت بحب المشمش أناااا كنت بحب المشمش
دلوقت بموووووت في المنقا ..بم بم بم المنقا ..
المنقا المنقا المنقا ..أيوه أيوه ..المنقا المنقا المنقا
------------------------------------------------------

:::وجود سيدي رايتر مع دفيدي:::
لازم تحرص على أنويكون جهازك فيها (cd riter
and dvd compo )يعني سيدي واحد مدمج فيه سيدي رايتر مع دفيدي ...مهم جدا
خاصه السيدي رايتر لازم يكون موجود راح يريحك بشكل خنفشاري



:::فلوبي دسك floppy disk:::
خلوني أقلكم شي مهم أكثر توجه الاجهزه اليوم
الى أنهم يلغو وجود الفلوبي دسك
يعني يقولو دام جهازك موجود فيه سيدي رايتر خلاص ما تحتاج فلوبي ..
لكن مهما يكون لازم يكون فيه فلوبي دسك يعني ممكن يجيك فلوبي دسك
من خويك وتتورط عرفت ...بس في المستقبل راح يتكنسل الفلوبي دسك .


تقريبا هذا كل شي ..
عارف طولت عليكم ...
لكن والله حبيت أنو كل شي عندي أعطيكم أياه

جميع الحقوق محفوظه

نور البدر

www.Mzoon.net

nor_albader@hotmail.com  " "  nor_albader@yahoo.com