مكتبةالتصاميم -مزون-

بسم الله الرحمن الرحيم

يا هلا والله ويامرحبا ...

بجد لما بديت الشرح كنت متحمس وقلت أقل شي راح يعرف الاعضاء
كيف يصممو صفحه على النت .. ومو مشكله يطبقو بعدين . بس على الاقل
عطيتهم البدايه

.

لكن ماشاء الله تفاجات أنو فيه ناس متحمسين مره وفعلا بدو تطبيق
مثل العصاميه

وأكشخهم

.. مع أنهم بدو من الصفر إلا أنهم دوافير مشاء الله
وفيه كم عضو بس عجااازين

عسى الله يهديهم ويتحمسو

وشخصيا أول ما يخلصو الموقع حقهم راح أسويله رابط في الموقع عندي
وراح أخلي موقعهم أو أي شخص ثاني يطبق كمثال لدروس هذي لاني
راح أنزلها في الموقع عندي بشكل مرتب ان شاء الله

ههه على الطاير بس والله أني بغيت أجيب العيد في السياره
وأناأضحك
رساله من خويي يقول
فيه ( ::: )

... مسمي بنته ( يمه ) ليييه
يقاله بيسمي بنته على أسم أمه
قسم بالله كعيتها ضحك حسيت أنه متنننننك

تعجبني النكت الصغيره بس تعبر عن قمه الدلاخه

>>>الجزء الخامس <<<

الهدف منه
1- تعريف الدومين والمساحه
2- تحميل الموقع على النت

::::..... الخطوه رقم 1........::::
الهدف من هذي الخطوه
(( حجز دومين ))
((حجز مساحه ))

(( حجز دومين ))

قصدك دومنيزبتزا <-- كلن على همه سرى

أممم وش قصدك بدومين ؟؟
الدومين هو أسم الموقع
وبالاسم هذا أقدر أروح للموقع حقك
علشان اقرب لك الشغله لو بتفتح محل أكيييد أنك راح تسميه
مثلا أبو عراده للجبنه والمستلزمات الطبيه

طيب كيف أحجز دومين ؟؟
فيه طريقتين
الطريقه الاولى
أما تحجز مساحه خااااصه فيك
بأسم خاص فيك
مثلا com.أسم موقعك.www
net.أسم موقعك.www
org.أسم موقعك.www

وهذي الطريقه تكون بفلوس

تتراوح الاسعار من 60 ريال الى 50 ريال في السنه
ولازم تجدد أشتراك كل سنه ولا بيروح عليك الاسم .

الطريقه الثانيه
تحجز أسم عند شركه
زي جيرن زي الياهو وغيرها
يعطوك أسم مقابل أنو أسمهم يكون مقترن بأسمك
ومقابل دعايات وأمور أخرى
مثلا
jeeran.com.أسم موقعك.www
8m.com.أسم موقعك.www

شخصيا في البدايه كان موقعي مجاني
وبعد كذا حجزت دومين رسمي

::::::::::::::::

(( حجز مساحه ))

وش قصدك بحجز مساحه ؟؟
القصد من الدومين الاسم لكن القصد من المساحه
هي المكان الي راح تحط فيه ملفاتك من صور وملفات صوتيه وغيرها
وصفحاتك الي صممتها بحيث يقدر المتصفح لنت مشاهدة موقعك .

طيب ممكن تقرب الشغله أكثر يا صديق؟؟ <-- الصديق أنت وأشكالك

أممم زي لو تفتح محل لازم تستأجر مكان
تفتح فيه محلك وتحط بضاعتك فيه علشان الزبائن يجون
يشوفو البضاعه ويشترو ..

نفس الفكره لازم موقعك يكون له مساحه تحط فيها ملفاتك ووو
علشان الزوار يقدر يتصفحوه .

طيب كيف أحجز مساحه للموقع حقي ؟؟
برضو فيه طريقتين
الطريقه لاولى
تحجز مساحه خاصه فيك
بمواصفات وخدمات كثيره والمساحه تكون أكبر
والترفك أكبر
وهذا الشي يكون بفلوس برضو
لان المساحه الي تشتريها بملغ معين
تكون فيها الكثير من الميزات والمواصفات
كمثال لو تبغى تسوي قسم بطاقات أهداء في موقعك
ما تقدر تسويها إلا اذا كان موقعك المساحه حقته
أشتريتها بفلوس لييييش لانو المواقع المجانيه
ما تعطيك الخدمات هذي .
والاسعار مختلفه في هذا المجال .

الطريقه الثانيه
أنك تحجز مساحه مجانيه
زي جيران أو الياهو أو غيره
أول شي المساحه محدوده
والمواصفات محدوده والخدمات محدوده
زي مثال بطاقات الاهداء ما تخدمك المواقع المجانيه في الشي هذا
أو أي شي له علاقه بقاعده بيانات .

:::::::::

::::..... الخطوه رقم 2........::::

الهدف من هذي الخطوه تحميل الموقع على النت

طيب وش الفكره العامه ؟؟
أمم الفكره العامه هي ببساطه
أنو احمل الموقع حقي زي ماهو بالصفحات حقته
والمجلدات حقته والصور والملفات بنفس الاسامي ونفس الاماكن
في الموقع حقي .

بتقولي كيف يعني ؟؟؟
يعني لو الموقع حقي عباره عن أربع صفحات صممتها
ومجلد بأسم ( أمج ) وجوته 3 صور
لااااااااااازم
أحمل الصفحات الاربع الي صممتها بنفس مسمياتها ونفس أماكنها
وأسوي مجلد أسمه ( imege ) وأحط الصور الثلاثه فيه بنفس أساميها .
في نفس المجلد ( imege )

يعني يسير موقعي الي سويته على الجهاز
نسخه طبق الاصل
من الموقع حقي بعد ما أحمله على الانترنت .

(( خطوات تحميل موقعنا على النت )))

الخطوه الاولى
موقعنا الي على الجهاز والي صممناه
يتكون من صفحات صممنها مع مجلد (imege) جوته صور أوصوت
زي ما تشوفو الصوره هذي

يعني لازم نحمل الموقع حقنا بنفس الملفات والمجلدات على جيران

الخطوه الثانيه
أروح على جيران
أسجل دخول
بعدين
أدارة موقعك الشخصي
بعدين
ادارة الملفات
تضهر لنا صفحه زي هذي

اول شي أسويه أني أحذف ملف ( index ) الموجود
لانو عندي ملف ( index ) خاص فيني الي هو الصفحه الرئيسيه
بعد كذا وأضغط على الخانه البرتقاليه المكتوب فيها (( تحميل الملفات من الجهاز لموقعك))
تضهر الصفحه هذي

والي هي لتحميل والضاهر أكثركم يعرفها
أضغط على أستعراض بعدين أختار الصفحات حقتي
زي الصوره هذي

بعد ما أختار الصفحات حقتي أضغط على فتح

بعد كذا تضهر الملفات الي أخترتها علشان
أحملها وأضغط على زر التحميل
زي ما تشوفو الصوره هذي

بعد ما تتم عمليه التحميل تضهر لنا صفحه
مكتوب فيها أسامي هذي الصفحات الي حملتها
وحالتها .. واذا خلصت تحميل كل الصفحات حقتي
أضغط على العوده الى القائمه أما لو باقي فيه صفحات
لسى أبغى أحملها أضغط على تحميل المزيد من الملفات .
(( تذكرو هنا أحنا جالسين نحمل صفحات الانترنت الي صممناها
لكن تحميل الصور والملفات الي في مجلد ( imege) لها طريقه ثانيه ))

بعد الضغط على العوده على القائمه تضهر لنا هذي الصفحه
ونشوف فيها هنا كل الصفحات الي صممناها تحملت الحمد لله
والي هي صفحه الرئيسيه
وصفحه من أنا
وصفحه تصاميمي
وصفحة يومياتي

الخطوه الثالثه
الحين بعد ما حملنا الصفحات الي صممناها
طيب نبغى نحمل الملفات حقتنا الي هي الصوت والصور وغيرها
وأحنى نعرف أنو الصوت والصور وغيرها من الملفات موجوده
في مجلد أسمه ( imege )
علشااااان كذا لااااازم نشوي مجلد داخل الموقع حقنا
أسمه ( imege ) علشان نحمل داخله ملفاتنا

طيب يا ابو الشباب كيف نسوي مجلد أسمه ( imege ) ؟؟؟
نروح على أنشاء قائمه جديده وقصدهم إنشاء مجلد جديد زي ماتشوفو الصوره

بعد كذا نحط أسم المجلد الي نبغاه وهو ( imege) ونضغط على أنشاء قائمه جديده زي ما تشوفو الصوره

بعد كذا يضهر مجلد ( imege ) وتحته الصفحات حقتنا
زي ما تشوفو الصوره هذي

أوووكي بعد كذا
وش نسوي
نبي نحمل الصور والملفات الموجوده في مجلد ( imege )
الموجود في الجهاز حقنا .. الى المجلد ( imege ) الي سويناه
الموجود في الموقعنا
نضغط على ( imege ) الموجوده في الموقع علشان ندخل جوته
وبعد كذا نحمل الصور والصوت وغيره دااااااخل المجلد
شوفو الصوره هذي

بعد نحمل الملفات الي نبيها
ونتذكر كل الملفات الي تتحمل راح تتحمل داخل
مجلد ( imege )
وبعدكذا نسوي نفس الخطوات الي سويناها
قبل كذا في تحميل الملفات للمجلد حقنا.
( imege )